11:23 ص
الإثنين 11 سبتمبر 2023
كتبت شهد القاضي:
كشفت الفنانة جيهان الشماشرجي عن صدمتها من رد فعل الجمهور على دورها بمسلسل “سفاح الجيزة”، الذي يعرض حاليا عبر منصة شاهد.
وقالت خلال لقائها ببرنامج عرب وود: “دي واحدة متجوزة واحد أكبر منها بكتير جدا عشان فلوسه ومصاحبة عليه وعايزة صاحبها يقتل جوزها عشان المصنع، أنا قولت أكيد البنت دي هتتكره تماما بس أنا مذهولة من اللي أنا شايفاه على السوشيال ميديا بصراحة”.
كما كشفت عن الصعوبات التي واجهتهم في تصوير مشهد القتل، قائلة: “الرقبة اللي أنا كنت مركباها عشان يخش منها خرطوم وتبقى مقسومة ينزل منها الدم، طبعا مش دم حقيقي.. التحضير ليه كان في وقت كتير وفي اللوكيشن برضه قعدنا كتير نعيده”.
مسلسل “سفاح الجيزة” بطولة أحمد فهمي، باسم سمرة، ركين سعد، إخراج هادي الباجوري، تأليف محمد صلاح العزب، ورشة كتابة: إنجي أبو السعود وعماد مطر، إنتاج طارق نصر.
