07:54 م
السبت 12 أغسطس 2023
علق عضو مجلس إدارة النادي الأهلي، محمد الدماطي، بمنشور على حسابه الخاص بموقع التواصل الاجتماعي “فيس بوك”، على تصريحات الإعلامي السعودي وليد فراج ببرنامج “أكشن مع وليد” المذاع على شاشة قناة “MbcAction”.
كتب: “لو عايزين نعترف بالخطأ و نصلح يبقى لازم نقول إن كلام الإعلامي السعودي صحيح ١٠٠٪ و دي حقيقة حتي لو كانت مؤلمة، أما لو كالعادة عايزين نتجاهل الحقايق حنقلبها شتيمة و مش حنصلح أي حاجة، مع كامل الاحترام للجميع منظومة النادي الأهلي هي من أبقت الكورة المصرية على قيد الحياة”.
وأضاف: “المنظومة اللي اتحاربت على مدار سنين عشان تبقي فاشلة زي غيرها هي من تعطي الكورة المصرية شرف التواجد في المحافل الدولية، ياريت الكل يتعلم من الأهلي و يسمعه لو عايزين نتحرك لقدام في مواجهة صاروخ التقدم اللي حوالينا”.
يذكر أن الإعلامي السعودي وليد فراج، قال في حلقة من برنامج “أكشن مع وليد” ردًا على أحمد الجماهير الذي وصف ديربي الأهلي والزمالك بـ “ديربي العالم”: “لا والله يامحمد، معلش يامحمد معلش، بعد إذنك يعني، شوف العناصر اللي في الهلال والنصر، أنا أحب الأهلي، وأنت عارف إني أنا أحترم الكرة المصرية، أرجوك، ده ديربي على مستوى مصر فقط لا غير، شايف الأسماء، يامحمد أنا عارف، إنك تعشق بلدك، وأنا أحب مصر، وأحب الدوري المصري، لكن أرجوك خليك على جنب، إيش الدوري اللي محدش بيشوفه إلا أهل بلده”.
وأضاف: “بتتكلم على دوري مستوى ينقل على 40 قناة في العالم، حاول تتكيف مع المرحلة الجاية”.
وليد فراج حتى من غير صفقات الدوري السعودي الاخيرة كان هيقول نفس الكلمتين دول وبالاستفزاز والاستعلاء دا ومحدش يلومه مش هو اللي بيدخل 1000 واحد بالعافية ويقعدهم كإنهم في حضانة ويقعدوا صامتين من غير تشجيع ويتقبض عليهم ويتنكل بيهم.pic.twitter.com/bvdEajc6dD
— مَحْمود (@maLegasov) August 12, 2023
