01:11 م
الجمعة 17 مايو 2024
كتب هاني صابر:
وجه المطرب رامي جمال، رسالة لمتابعيه وجمهوره عبر السوشيال ميديا، بعد أيام من طرح ألبومه الغنائي الجديد “خليني أشوفك”.
وكتب رامي، عبر حسابه على “إكس”: “الحمد لله النجاح الحقيقي بيبقى بسببكم ومنكم وعدت نفسي وعد ووعدتكم إن السنة دي بداية النجاح الحقيقي اللي حلمت بيه، النجاح الحقيقي اللي مش هتنازل عنه وبالعكس هيكبر لأن لسه المشوار كبير ومشوار الفن مش نجاح مرة لا نجاح كل مرة”.
وتابع: “بشكركم على كلامكم ودعمكم وبشكر كل الصناع اللي شاركوني من أول ما بدأت لحد النهاردة وبشكر كل الشركات اللي اشتغلت معاها قبل كدة وشركه ڤايرل ويڤ اللي معايا دلوقتي ووعد كله ثقة في ربنا إن الخطوات اللي جاية أحلى وأهم وأكبر”.
وأضاف: “وبشكر كل الصحفيين اللي كتبوا عن كل خطوة عملتها لحد النهاردة، وبقول للجمهور الراقي العزيز هدفي إنكم كعيلتي تتبسطوا مني وبيا وبقولكم الصيف لسة فيه مفاجآت تاني مهمة جدا”.
وأطلق رامي جمال مؤخرا أحدث ألبوماته الغنائية والذي حمل عنوان “خليني أشوفك” وضم 15 أغنية مختلفة، وذلك عبر موقع الفيديوهات “يوتيوب”.
والأغنيات المختلفة من الألبوم اختار لها أسماء “خليني أشوفك وبقول وأكدب وبضيع وقت وفستانك أبيض وأوقات وقلبي خام وأهو وسوء تفاهم وبيكلموني وهنسى اسمك وذكريات هوانا وقولي آه وشاهد الله وأنت مين وعادي أنساك”.
وتقول كلمات الأغنية الرئيسية للألبوم “خليني أشوفك”: “خليني أشوفك مرة تانية ولو ثواني.. علشان أوريك إن أنا بقيت حد تاني .. وعشان أقولك إني مزعلتش عليك مبقاش في قلبي مكان خلاص متساب عشانك .. فيه حاجات كتير من يوم ما غبت خدت مكانك .. من يوم ما غبت وقلبي تقريبا نسيك”.
اقرأ أيضا:
نبيل الحلفاوي يكشف عن توقعاته لمباراة الأهلي والترجي في نهائي أبطال إفريقيا
ماذا قالت حفيدة عادل إمام عن جدها ومعاملته لأحفاده؟
