07:12 م
الثلاثاء 15 أغسطس 2023
كتب مروان الطيب:
احتفلت الفنانة الشابة أميرة أديب بوصول متابعي حسابها الرسمي بموقع “إنستجرام” لمليون متابع.
ونشرت “أميرة” فيديو جديد عبر حسابها الذي قررت خلاله الاحتفال بوصولها مليون متابع على طريقتها وشاركت بأحد الأعمال الخيرية، حيث ظهرت أميرة وهي تقوم بإطعام عدد من الكلاب المشردة.
وعلقت قائلة: “أنا فاكرة لما بقي عندى 1000 مشترك عملت فيديو بلم فيه ألف قطعة زبالة من الشارع ولو انتوا معايا من ساعتها هاي احنا بقينا مليون”
وتابعت: ” أنا واحدة الأرقام عمرها ما فرقت معايا بالشكل ده لكن في نفس الوقت مؤمنة إن ربنا لما بيديني حاجة أو بيزود لي حاجة في حياتي دي مش ليا أنا بس وباخد الأوقات دي عشان أحس أن في حاجة جديدة في حياتي حتى لو كانت كبيرة أو صغيرة وباخدها ان ده دوري أني ازود حاجة في حياة حد تاني”.
واستكملت: “النهاردة حبيت أوريكم إن أنا اخترت احتفل مع الكلاب وإن إحنا نروح نأكلهم كتير أوي ربنا بيزودلنا حاجات في حياتنا حتى بأصغر الطرق يعني مثلا يدخلك حد جديد في حياتك بيديك طاقة إيجابية تكون مش طايق شكلك النهاردة تكون ماشي في الشارع حد متعرفوش يقولك حلو اللي إنت لابسه أو شكلك حلو النهاردة وتحس إن ربنا شايفك وبيطبطب عليك والحاجات دي بتحصلنا كل يوم اللي علينا بس إننا نركز ونسمع زي مثلا إنك تبقى بصحتك أو أنك تشوف فيديو زي ده وتسمعه وعندك نعمة البصر”.
وأنهت حديثها قائلة: “المهم دايما إنك تفتكر إن ده مش ليك إنت بس وأن في الدنيا دي بيجيلك عشان تدي ولما تدي بجد بيجيلك من كل النواحي وبطرق كتير مختلفة ولما ربنا يرزقك دورك إنك ترزق غيرك لكل الناس اللي معايا من الأول شكراً من قلبي ومبسوطة أوي أنكم لسه معايا”.
