08:00 ص
الأربعاء 14 يونيو 2023
أشادت مخرجة فيلم “تاج” سارة وفيق بالفنان تامر حسني وبالمجهود الذي بذله في الفيلم ووجهت له رسالة حب وشكر.
ونشرت صورة تجمعهما عبر صفحتها على موقع التواصل الإجتماعي “انستجرام”، وقالت: “مبروك يا تيمو نهاية تصوير فيلم تاج شكرا من كل قلبي على دعمك وثقتك فيا.. شكرا على تعبك ومجهودك الجبار اللي عملته في الفيلم.. شكرا على دقتك ومثابرتك واجتهادك وكل حاجة عملتها عشان فيلم تاج يطلع بالشكل اللائق بجمهورك الكبير من أول كتابتك للفيلم لحد آخر يوم تصوير.. شكرا إنك بتحترم جمهورك وبتقدمله كل جديد”.
وأضافت: ” إنت ميجا ستار مش من فراغ إنت أكتر واحد قابلته في حياتي بيحب شغله وبيخلصله عشان كده إن شاء الله ربنا هيكرمك بنجاح الفيلم ونجاح كل شغلك معنديش كلام يوفيك حقك والله يا تيمو”.
واختتمت حديثها قائلة: ” وأخيرا لازم جمهورك يعرف إنك ما بتنيمناش كلنا.. ربنا يكرمك بكرمه الواسع ويفرحك وينجحك وينجحنا معاك يا أجمد سوبر هيرو يا تاج يا جامد”.
يشارك تامر حسني بطولة فيلم “تاج”: دينا الشربيني، والفنانة القديرة هالة فاخر وتدور أحداث الفيلم حول حياة التوأم تاج وهارون، يمران بالعديد من الأزمات ومع امتلاكهما لقدرات خارقة تتسبب في وقوع العديد من المفارقات لهما.
وكان أخر أعمال تامر حسني السينمائية فيلم “بحبك” عام 2022 وشاركته البطولة هنا الزاهد، وإلى جانب التمثيل، قام بكتابة وإخراج الفيلم
