06:07 م
الإثنين 14 أغسطس 2023
كتبت شهد القاضي:
علق الفنان حمزة نمرة على تصريح الفنان والملحن عمرو مصطفى المثير للجدل، بأن المطرب مجرد أداة.
وقال خلال لقائه ببرنامج ET بالعربي: “أنا أقدر اتكلم عن تجربتي، أنا بلحن الأغاني اللي بغنيها والكلام اللي أنا بحسه، فبالتالي أنا بحس إنهم مبينفصلوش عن بعض، يعني أنا بعمل ألحان قريبة من صوتي، وتتصدق مني وأنا مصدقها، ونادر جدا لما أخد ألحان من ناس تانيين وده يشرفني بس نادر، أغلب الحاجات أنا كنت بلحنها لنفسي”.
وأضاف، موضحا موقفه من خطوة دخوله عالم التمثيل، قائلا: “أنا بحب أعمل حاجة أنا فاهمها كويس، لأن ده علم وصنعة مش أي حد يخش وخلاص، لو حسيت إن أنا فعلا عندي حاجة أقدمها وإن أنا فاهم ممكن وقتها، إنما في اللحظة الحالية أنا فاهم في المزيكا وفاهم في الألحان وبعرف اعمل الشويتين دول فهشتغل فيهم وأركز فيهم”.
وينطلق الفنان حمزة نمرة في جولة حفلات غنائية عالمية احتفالا بإطلاق ألبومه الجديد “رايق”.
ويبدأ نمرة رحلته من أمريكا وتحديدا ولاية واشنطن بحفل مساء 8 سبتمبر المقبل، وينتقل بعدها بيوم إلى ولاية ميشيجان الأمريكية وصولا لليوم الثالث بحفل في ولاية شيكاغو.
ويسافر حمزة نمرة من الولايات المتحدة الأمريكية إلى أوروبا، ليحيي حفلا في العاصمة الفرنسية باريس 15 سبتمبر، وبعدها بيوم بمدينة أوترخت الهولندية، ليكون مسك الختام على جولة حفلاته في مدينة مالمو بالسويد 17 سبتمبر.
