10:13 م
الإثنين 19 يونيو 2023
كتب مروان الطيب:
حل الفنان مصطفى هريدي ضيفاً على برنامج “الستات” تقديم الإعلامية سهير جودة والإعلامية مفيدة شيحة والذي يعرض على شبكة قنوات “النهار”.
وتطرق “هريدي” إلى السبب وراء ابتعاده عن الساحة الفنية خلال الفترة الماضية، وعن تعاونه مع عدد من أبرز نجوم الفن منهم الزعيم عادل إمام وسبب اختياره له بعدد من أعماله السينمائية.
كما تحدث “هريدي” عن حادثته الشهيرة بمنطقة الشيخ زايد والتي أصاب خلالها 4 شباب بسيارته عن طريق الخطأ وهو ما تسبب له بالعديد من الأزمات وقتها إلى أن تم التصالح في النهاية مع الضحايا وعائلتهم.
وتحدث “هريدي” عن الحادث قائلاً “ملابسات الحادثة دي أنا كنت بسعى في شغل غير شغل الفن وكنت مسافر في الغردقة بقالي أسبوع وأغلب وقتي بنام متأخر وفي أسبوع عدى عليا كان اجهاد كبير، وكنت جاي من الغردقة مخصوص عشان فيلم وكان بقالي فترة معملتش حاجة واللي حصل كله قلة نوم، اللي صعب عليا أن السوشيال ميديا والمواقع وبدأوا يقولوا إنه كان شارب وهو سايق واني كنت متعاطي مخدر وكانوا بيروحوا للولاد اللي عملوا الحادثة وخلوهم يقولوا كلام تحت تأثير البنج والأدوية وأنا قابلتهم واتكلمت معاهم ومفيش حاجة من اللي اتقالت في المواقع والصحافة وقتها كانت صح”.
وعن مصالحته مع ضحايا الحادث “الولاد دول اتظلموا من السوشيال ميديا ومن محاميين التعويضات واللي أوهموهم أنه ده ممثل بقي ومعاه ملايين وأنا روحت بيوتهم وزرتهم وكانوا في منتهى الاحترام واتصالحنا لأني عوضتهم عن العربية بتاعتهم”.
وانهى تعليقه قائلاً “اللي حصل كان ضرر ليا بسبب الشائعات اللي أطلقتها السوشيال ميديا ومكنتش فاهم مين ورا ده وعاوزين يشوهوا سمعتي بالشكل ده ليه”.
وكان مصطفى هريدي اتهم بإصابة 4 شباب بسيارته بالخطأ بمنطقة الشيخ زايد، وصدر ضده حكماً بالحبس لمدة سنة وكفالة 2000 جنيه مع إيقاف التنفيذ وتغريمه مبلغ يقدر بـ 5 آلاف جنيه كتعويض مدني.
