01:32 م
الأحد 17 سبتمبر 2023
كتبت منى الموجي:
حرص الفنان محمد فراج على الرد على الانتقادات التي تعرض لها الفترة الأخيرة، بعد هجومه على بعض الآراء السلبية المنتقدة لأداء الفنانة داليا شوقي شقيقة زوجته الفنانة بسنت شوقي، في مسلسلها الأخير “سفاح الجيزة”.
وكتب فراج عبر حسابه الشخصي على موقع انستجرام: “توضيح إلى جمهوري العزيز، بعد مساء الفل.. فوجئت بعدد كبير من أصدقائي بيقولولي مزعل الجمهور ليه يا فراج، بصراحة استغربت من السؤال، أنا بقالي أكتر من 15 سنة ممثل عمر ما حصل إن اتقال لي جملة زي دي”.
وتابع “القصة باختصار، أنا كنت في العرض الخاص لفيلمي، واتسألت من برنامج محترم ردي على إشاعة انفصالي عن بسنت وانتقاد أداء داليا شوقي، ورغم إن لا الوقت ولا المكان يستحملوا الكلام ده لأننا بنحتفل بالفيلم لكن احتراما للإعلام بشكل عام جاوبت. بس زي ما كلكم عارفين ان صيغة السؤال بتتحذف في المونتاج والخبر اللي بينتشر هو الإجابة فقط لا غير”.
وأضاف فراج “فالسؤال كان إيه ردي على حملات الإهانة والتجريح فأنا قلت إن ده ماينفعش ناخده بجدية، لكن مكنتش بتكلم عن الجمهور بشكل عام إطلاقا. أنا متأكد إن جمهوري اللي بنى اسم محمد فراج فاهم معنى كلامي كويس، وعارف إن فيه فرق بين الرأي (حتى لو كان سلبي) وبين الشتيمة.. فيه فرق بين وجهة النظر وبين الإهانة والتجريح”.
استكمل فراج “متأكد كمان إن جمهوري عارف إني مستحيل أحجر على رأيه، وياريت دايما الحكم على أي موقف أو رأي يكون بنظرة شاملة مش من خلال سطرين متاخدين من مانشيت على فيسبوك، أو من فيديو اتعمل له مونتاج، معلش طولت عليكم بس يمكن اللي حصل ده كان فرصة لتأكيد امتناني الدائم بأراء الجمهور وإني بستفيد من النقد والملاحظات زي ما ببقى سعيد بالإشادات، بحبكم وشكرا لدعمكم ليا من بداية مشواري”.
كان فراج ظهر في لقاء لبرنامج “et بالعربي”، قائلا “مفيش حد من اللي اتكلم مع احترامي الكامل شفته بيفهم في الشغلانة، كلهم على حد قراياتي يعني من برة الشغلانة كجمهور، أجي أدخل على الأكونت الاقيه صفر معندهوش حاجة، أكونتات وهمية تحس إن هي ناس واخدة فلوس عشان تضايق فراج وداليا وفلان، بس إلقاء تهم وطوب، الناس دي هتفضل تتكلم لحد يوم الدين المهم إن القافلة تسير”، وهو التصريح الذي عرضه للهجوم والانتقاد.
جدير بالذكر أن فراج يُعرض له حاليا فيلم “فوي فوي فوي” تأليف وإخراج عمر هلال، بطولة نيللي كريم، بيومي فؤاد، محمد عبدالعظيم، طه دسوقي، حنان يوسف، ومجموعة كبيرة من الفنانين.
