10:55 م
الخميس 18 مايو 2023
وجه الفنان رامز أمير رسالة للفنان أحمد مكي طالبه بمساعدته بالعناية بأحد الطيور، وذلك بعد فشله في التواصل معه لإنقاذ النسر المصاب والذي أصبحت حالته سيئة على حد وصفه.
ونشر رامز صورة تجمعه بطائر النسر عبر صفحته على موقع التواصل الإجتماعي “فيسبوك” وكتب: “ناس كتير من إمبارح بيقولولي كلم أحمد مكي عشان الطير.. أول حاجة شكرا من قلبي على إهتمامكم.. وطبعا ده حل كويس جدا لأنه عنده خبرة كبيرة في الطيور وعالج كسور صعبة قبل كده بنفسه وأكيد هيفيدني لأني للأسف عالجت جوارح كتير بس أول مرة يعدي عليا كسر بالشكل ده”.
وأضاف :”أنا حاولت أوصله إمبارح لأن الحالة صعبة ولازم الحقها في أسرع وقت.. بس للأسف برضه معرفتش وعقبال ما هوصله هيكون الوقت اتأخر جدا فهحاول هنا ويارب يشوف البوست لأنه مش بيقعد على السوشيال ميديا كتير، محتاج مساعدتك يا مكي في علاج الطير”.
وانهالت عليه تعليقات الجمهور وجاءت كالتالي: ” إن شاء الله خير يتعالج بسرعة” ” حاول تجيب رقمه وإن شاء الله توصله وتكلمه وربنا يجازيك كل خير” ” أكيد أهل الخير والرحمه إن شاءالله يوصلوا لبعض”.
يذكر أن الفنان رامز أمير، حرص على مساعدة أحد الطيور المصابة والتي حصل عليه عبر موقع التواصل الاجتماعي بعد إصابته وكتب :”بجد مش مصدق اللي الناس بتعمله.. في ناس فاكرة نفسها ذكية وقال إيه عاوزين ياخدوا الطيرعشان يعالجوه وهما عاوزين ياخدوه يبيعوه عشان فاكرينه صقر وهيجيبلهم ملايين.. أسف إني هفاجئكم بس الطير ده مش صقر وملوش سعر يعني اللي هياخده هيعالجه ويأكله بأضعاف أضعاف تمنه.. بلاش تلعبوا بمخلوقات ربنا أرجوكم”.
