11:12 م
الإثنين 14 أغسطس 2023
كتب مروان الطيب:
نشرت الفنانة فيدرا فيديو عبر حسابها الرسمي على “انستجرام” وظهرت خلاله مع أحد الكلاب المشردة بأحد الأماكن العامة بمنطقة القاهرة الجديدة.
وأوضحت “فيدرا” بالفيديو إنقاذ أحد الكلاب المشردة بعد سوء معاملته من قبل بعض الأشخاص الذين قاموا بتعذيبه وتشويهه.
وعلقت فيدرا قائلة: “عاوزة اعرفكم على رحمة وعاوزة أقولكم أن وشها هيخضكم بس بعد ما تعدوا الخضة هتعرفوا ان دي كلبة بقت سعيدة عشان فيه ناس عملوا حاجات كويسة”.
واستكملت: “رحمة كان فيه ناس رابطينها من بوقها ومناخيرها اتشالت وبعدين راجل محترم دخل على الناس اللي كانت معذباها وربطاها الربطة دي ودخل اخدها وجابها على المكان اللي أنا فيه في القاهرة الجديدة”.
وأضافت: “الدكاترة عالجوها وقاعدة مقيمة هنا لحد ما تسافر بره مصر عشان لقت بيت بره مصر وبس عايزة أقول إن رحمة دي مثال لحاجتين: مثال لناس كتير معندهاش رحمة عملوا فيها كده ومثال لناس كتير جداً عندهم رحمة جابوها هنا والناس اللي هنا بيتعاملوا معاها بشكل كويس”.
وكان أخر مشاركات الفنانة فيدرا بفيلمي “يوم 13″ و”ساعة استجابة” واللذان تم عرضهما بموسم عيد الفطر الماضي.
يذكر أن فيدرا تنتظر عرض أحدث أعمالها السينمائية هذا العام وهو فيلم الكوميديا “العميل صفر” بطولة الفنان أكرم حسني وسط مشاركة نخبة من نجوم السينما المصرية، منهم أسماء أبو اليزيد، بيومي فؤاد، فاطمة البنوي، محمد أوتاكا، منذر رياحنة، تأليف وائل عبدالله، إخراج كريم العدل والمقرر بدء عرضه يوم 16 أغسطس الجاري.
