05:30 م
الأحد 27 أغسطس 2023
كتب مصطفى حمزة:
كشف المؤلف محمد صلاح العزب، عن أسباب كتابته مسلسل “سفاح الجيزة”، الذي يقوم ببطولته الفنان أحمد فهمي، وتعرضه منصة شاهد.
المؤلف، عبر صفحته في موقع فسبوك، كتب: “عشان نبقى متفقين على حاجة، أنا مبحبش الرسائل في المسلسلات والأفلام، بس أنا كاتب لكم مسلسل سفاح الجيزة مخصوص عشان الناس تبطل تقول إن اللي بيشرب شاى بلبن يبقى طيب.. واللي بيشغل قرآن ده متدين ونآمن له.. والشاطر لا بينفسن ولا بياكل حق حد.. واللي بيبوس إيد أمه يبقى عريس لقطة.. واللي بيحب الحيوانات مستحيل يظلم البني آدمين”.
وتابع “وباكيدج الطيبة المصرية الفطرية الجميل ده يخف شوية، لو الحكاية دي نفعت يبقى الواحد أدى رسالته في المسلسل ويقدر يكتب فيلم وهو مرتاح “.
مسلسل “سفاح الجيزة” مستوحى من قصة حقيقية تدور أحداثه في 8 حلقات عن جرائم سفاح الجيزة الذي حُكم عليه بالإعدام.
“سفاح الجيزة” أشرف على كتابته محمد صلاح العزب، سيناريو وحوار إنجي أبو السعود، بطولة أحمد فهمي، ركين سعد، باسم سمرة، صلاح عبدالله، ومن إخراج هادي الباجوري.
