05:54 م
الأربعاء 06 سبتمبر 2023
كتب: هند عواد
عبر حسام حسن، لاعب الأهلي والزمالك السابق عن رأيه في انتقال إمام عاشور إلى النادي الأهلي، واصفًا شقيقه إبراهيم حسن بأفضل ظهير أيمن في مصر.
قال حسام حسن خلال تصريحات تليفزيونية على قناة “إم بي سي مصر”: “إبراهيم حسن أحسن باك رايت في مصر، رغم إنه مبطل هو لا زال الأفضل لحد ما يطلع باك رايت قوي هجوميًا ودفاعيًا”.
أشار إلى أن إمام عاشور لاعبا مهما ويعد من أفضل اللاعبين الذين لها دور في الكرة المصرية.
تابع: “لازم إمام يقاوم نفسه مع الإمكانيات اللي ربنا إدهاله، لازم يبعد عن الظروف اللي برا الملعب وطريقة تعامله في الملعب مع المنافس والحكام”.
واصل: “لازم إمام أن يكون لاعب محترف، خاصة أنه احترف فترة قصيرة وشاف جمهور الكرة مش سهل، إمام جاي من نادي كبير ورايح نادي كبير”.
أضاف: “فيه مبادئ معينة وطريقة معينة الأهلي يتبعها في اختياراته، خاصة أنه كان فيه موقف وطبيعي الولد كان صغير، الزمن وأدائه هيخلي جمهور الأهلي يحترمه ويحبه ويتناسى، لكن هو لاعيب مهم جدًا وشايف أنه هيكون مفيد للكرة المصرية وهيفرق مع النادي الأهلي، وأتمنى جمهور نادي الزمالك ربنا يعوضها خير بلاعيبة تانية”.
أكمل: “لازم إمام يعرف اللي جاي مهم جدًا في مستقبلة، أتمنى الجماهير تصبر في الحكم عليه، وتسانده لإن إدارة الأهلي وجماهره في تحديات كبيرة أنه يكون معاهم”.
واختتم حديثه: “الأهلي نجح لاعيبة كتير وجماهير الأهلي والزمالك تنجح أي حد، كهربا وإمام عاشور اللي خلاهم وصلوا للنادي الأهلي جماهيريتهم الكبيرة أدائهم مع نادي الزمالك جايين من نادي كبير لـ نادي كبير بيكملوا بعض، تألق كهربا اللي ظهر مع الأهلي سببه الاستقرار في الأهلي والإدارة”.
